The Youth Voice
WE TELL IT AS IT IS...

Ku khomiwa ka Khumembirhi wa vadlayi va timhelembe e mavaleni ya Kruger National Park swi tsakisile vurhangeri swonghasi

Hi: Yvonne Silaule

Kruger National Park- Hovhisi ya Kruger national park yi vikile eka va nwamaphepha-hungu leswaku Khumembirhi wa vadlayi va timhelembe va Khomiwile e mavaleni ya Kruger National park e vhikini ra ti19 ku fikela hi ti 23 19 ta nhweti ya dzivamsoko 2018. 

Mahungu lawa ya nyanyurile murhangeri wa Kruger National Park, Nkulunkumba Glen Phillips loyi anga susumeteka ku vula leswaku switsakisa ngopfu ku vona maphorisa yo hlayisa timhelembe va tirha hiku tikarhata siku na siku ku kavanyeta vaehleketeriwa ku dlaya timhelembe.

“Hi fanele ku ringanisa matimba ya hina yo lwela ku hetisa vugevenga byo dlaya timhelembe. Matimba ya hina ya fanele ku ringana nay a vona loko va tiyimisele ku dlaya tona timhelembe,” k uvula Nkulunkumba Phillips

Hi ravunthlanu, siku leri landzelaka ra ti 20 ta nhweti ya Dzivamsoko, maphorisa yo rindza timhelembe ya khomile vanharhu va vaehleketeriwa ku dlaya timhelembe, lava va kumekeke na swo dlaya swona swibhejhana ku katsa na maphondo mabirhi ya timhelembe lawa aya ti komba ku va ya ha ku tsemiwa.

Kuya hi xitatimende xa vurhangeri bya Kruger National Park, unwe wa lava va ehleketeriwaka vudlayi bya timhelembe, lava vanga hlangana no khomiwa I wanuna loyi khale ka yena akuri commander ya  Frelimo e Mozambique; yena u khomiwile ari karhi a mbarile mpahla ya khlale ka ntirho wa yena 

Xitatimende xa vurhangeri bya KNP xi ye e mahlweni xi vula leswaku hi ravunthlanu ku thlele nakambe ku khomiwa vanharhu vaehleketeriwa ku dlaya swibhejana lava nga kumeka na vona vari na swo dlaya hi swona swibhejhana, ku katsa nakambe e xiphere xa maphondo.

Hi siku ra ti 21 st ta Dzivamsoko, ku vile naku khomiwa nakambe ka vaehleketeriwa ku dlaya swibhejhana lava navona va kumiwile na swi dlayi xikanwe na timbondzo timbirhi.. ku thlela ku vuriwa leswaku maphorisa yo hlayisa timhelembe va thlele va khoma vambirhi vaehleketeriwa, hambi leswi unwe wa vona u tikumile a vavisiwile eka njhekanjhekisano lowu.

Hi Sonto, maphorisa yo hlayisa timhelembe va endlile vulavisisi, laha vanga hlangana na vaehleketeriwa ku dlaya ka timhelembe.unwe u vavisekile kutani munghana wa yena u khomiwile ni timhondzo ta timhelembe, maphorisa yo hlayisa timhelembe  yati tekile leswaku kuta endliwa ndzavisiso kuya emahlweni.

Ku veka xidhlodhlo eka maphorisa ya Skhukhuza SAPS, ku khomiwile phorisa rale Skhukhuza police station endzhaku ko ehleketeriwa kuva unwe wa vodlaya timhelembe.

ku thlele ku tivisiwa leswaku vavanuna lava va yile e khoto ya Skhukhuza hi ti 25 ta nhweti ya Dzivamsoko kambe aswinga se tiveka leswaku vata thlelela rini.