The Youth Voice
WE TELL IT AS IT IS...

Muaka tiko wale Muzambiki loyi a tirhaka hi matimba ku hlohlotela vantshwa lava nga tirheki laha Afrika Dzonga. 

By Omega Wellington

Buyisonto - Bushbuckridge

Zakaria Mabasa I muendli wa matafula loyi a humaka eMuzambiki. Mabasa u tile Afrika Dzonga hi lembe ra 2015, laha anga landzeriwa hi va buti wa yena eka bindzu ro endla matafula. Ku kala ka mintirho a swi n’wi sivelanga ku va a kota ku tirhisa vuswikoti bya yena eka bindzu ra vona ro endla matafula. Mabasa na ntlawa wa yena va fambisa bindzu ra vona eBushbuckridge, emugangeni wa Buyisonto. Va endla matafula lama fanaka mari woxe, lama ma kokaka rinoko leswi endlaka va va na mbuyelo lowunene eka bindzu ra vona.

Hambiswiritano, bindzu ra ku endla matafula ri hlohlotela vantshwa va muganga wa Bisonto. Mabasa uri“hi lava vantshwa va muganga wa Buyisonto va dyondza ku endla matafula loko hi tlhelela eka rikwavo. Hi tlhela hi hlangana na ku tikeriwa loko vaxavi va nga hakeri kahle, leswi vangaka leswaku ntswalo wa hina wu nga tsakisi. Ndzi tsakela ku vona bindzu ra hina ri kula eka malembe lama taka hambileswi hi pfumalaka nseketelo.”

Mabasa u ya mahlweni a vula leswaku handle ka ku tikeriwa eka bindzu ra vona, va langutela leswinene, va tlhela vati nyiketela ku tirha hi matimba leswaku va ta ya emahlweni va va vanhu lava vantshwa va le mugangeni wa le Buyisonto va langutelaka eka vona.